بارش کے بعد ڈپٹی کمشنر لورالائی کا متاثرین کو فوری ریلیف فراہم کرنے کی ہدایت

ڈپٹی کمشنر لورالائی کیپٹن (ر) محمد حسیب شجاع کی خصوصی ہدایات پر اسسٹنٹ کمشنر بوری ندیم اکرم نے SDO ایریگیشن اکرام اللہ کے ہمراہ حالیہ بارشوں کے پیش نظر پٹھانکوٹ ڈیم کا تفصیلی معائنہ کیا۔

معائنے کے دوران ڈیم کے اسٹرکچر، پانی کی سطح اور حفاظتی انتظامات کا جائزہ لیا گیا۔ اس موقع پر متعلقہ حکام کو ہدایت کی گئی کہ کسی بھی ہنگامی صورتحال سے نمٹنے کے لیے پیشگی اقدامات کو یقینی بنایا جائے اور ڈیم کی مسلسل مانیٹرنگ جاری رکھی جائے۔

ضلعی انتظامیہ عوام کے جان و مال کے تحفظ کے لیے ہر ممکن اقدامات کر رہی ہے، جبکہ شہریوں سے بھی اپیل کی جاتی ہے کہ وہ احتیاطی تدابیر اختیار کریں اور غیر ضروری طور پر آبی ذخائر کے قریب جانے سے گریز کریں۔