پیپلز پارٹی بلوچستان سے محرومیوں کا خاتمہ کرےگی،فیصل جمالی

صوبائی وزیر لائیو سٹاک سردار زادہ فیصل خان جمالی نے معروف قبائلی شخصیت میر محمد شریف خان پندرانی اور انجینئر حماد اللہ پندرانی سے ملاقات کے دوران گفتگو کرتے ہوئے کہا کہ اقتدار ہماری منزل نہیں بلکہ عوام کی خدمت ہمارا بنیادی ویژن ہے۔ انہوں نے اس عزم کا اظہار کیا کہ پاکستان پیپلز پارٹی بلوچستان سے محرومیوں کا خاتمہ کرے گی اور شہید ذوالفقار علی بھٹو اور شہید محترمہ بے نظیر بھٹو کے مشن کو پایہ تکمیل تک پہنچائے گی۔ صوبائی وزیر نے مزید کہا کہ وزیراعلی بلوچستان میر سرفراز بگٹی کی قیادت میں صوبے کی ترقی کے لیے تمام دستیاب وسائل کو بروئے کار لایا جا رہا ہے، جس میں صحت، پینے کا صاف پانی، علاج معالجہ اور بہتر سڑکوں کی فراہمی ہماری اولین ترجیحات میں شامل ہیں۔سردار زادہ فیصل خان جمالی نے اس بات پر زور دیا کہ پیپلز پارٹی غریب مزدور، کسان اور دیہاڑی دار طبقے کی حقیقی نمائندہ جماعت ہے، اور بے روزگار نوجوانوں کو روزگار کے مواقع فراہم کرنے کے لیے عملی اقدامات کیے جا رہے ہیں۔ دہشت گردی کے حوالے سے بات کرتے ہوئے انہوں نے کہا کہ قیامِ امن کے لیے سکیورٹی فورسز کی قربانیوں کو فراموش نہیں کیا جا سکتا اور صوبے کے محبِ وطن عوام دہشت گردی کے خاتمے کے لیے اپنی افواج کے شانہ بشانہ کھڑے ہیں۔ انہوں نے یقین دلایا کہ عوامی وعدوں کی پاسداری کرتے ہوئے ایک پرامن اور خوشحال بلوچستان کی تعمیر یقینی بنائی جائے گی

Browse Posts

پاکستان عالمی سفارتکاری میں ذمہ دار کردار ادا کر رہا ہے،سید امان شاہ

خالد ساسولی کا قتل اختیارات کے ناجائز استعمال کا شاخسانہ ہے،میر اکبر لہڑی

جامعات کو بھرتیوں کی فیکٹری نہیں بلکہ تحقیق کا مرکز بنائیں،وزیراعلیٰ بلوچستان