وفاقی محتسب کے حکم پر درخواست گزار عصمت بی بی کو بینوولنٹ فنڈ کی مد میں 364000 ہزار روپے ادا کر دیے گئے

درخواست گزار عصمت بی بی نے بتایا کہ انہوں نے متعدد بار متعلقہ محکمے کو بینوولنٹ فنڈ کی ادائیگی سے متعلق درخواست دی لیکن ان کی درخواست پر کوئی ردعمل نہیں ہوا۔
جس کے بعد انہوں نے انصاف کے حصول کے لیے وفاقی محتسب کے علاقائی دفتر کوئٹہ سے رابطہ کیا اور متعلقہ محکمے کے خلاف درخواست دائر کی۔درخواست موصول ہوتے ہی وفاقی محتسب کوئٹہ نے بروقت انکوائری کا آغاز کیا اور متعلقہ محکمے کو طلب کر کے کیس کی فوری سماعت شروع کر دی۔سماعت کے دوران متعلقہ محکمہ کوئی تسلی بخش جواب نہ دے سکا۔
لہذا، وفاقی محتسب نے احکامات جاری کیے کہ درخواست گزار کا ماہانہ بینوولنٹ فنڈ بحال کر کے بقایاجات کی ادائیگی فوری طور پر کی جائیں۔
احکامات موصول ہوتے ہی متعلقہ محکمے نے درخواست گزار کا ماہانہ بینوولنٹ فنڈ جاری کر کے بقایاجات کی مد میں 3 لاکھ 64 ہزار روپے ادا کر دیے۔
اس بروقت اور منصفانہ فیصلے پر درخواست گزار نے وفاقی محتسب کا شکریہ ادا کیا۔