سونے و چاندی کی قیمتوں میں غیر متوقع طور پر بڑی کمی

کراچی: عالمی اور مقامی مارکیٹوں میں مسلسل چار روز اضافے کے بعد سونے اور چاندی کی قیمتوں میں اچانک کمی ہوگئی۔

بین الاقوامی بلین مارکیٹ میں فی اونس سونے کی قیمت 65 ڈالر کم ہوکر 4 ہزار 66 ڈالر کی سطح پر آگئی۔

عالمی مارکیٹ میں کمی کے اثرات مقامی صرافہ بازاروں میں بھی دیکھنے میں آئے، جہاں فی تولہ سونے کی قیمت 6 ہزار 500 روپے کمی کے بعد 4 لاکھ 29 ہزار 136 روپے ہوگئی، جبکہ 10 گرام سونا 5 ہزار 573 روپے سستا ہوکر 3 لاکھ 67 ہزار 914 روپے کا ہوگیا۔

اسی طرح عالمی مارکیٹ میں فی اونس چاندی کی قیمت 85 سینٹ کمی سے 52 ڈالر پر آگئی۔ مقامی مارکیٹ میں فی تولہ چاندی 85 روپے سستی ہوکر 5 ہزار 678 روپے جبکہ 10 گرام چاندی 73 روپے کمی کے بعد 4 ہزار 867 روپے کی ہوگئی۔

واضح رہے کہ گزشتہ چار روز سے عالمی اور مقامی مارکیٹوں میں سونے اور چاندی کی قیمتوں میں مسلسل اضافہ ریکارڈ کیا جارہا تھا۔