عوامی مسائل کے حل کے لیے مثبت اور تعمیری صحافت وقت کی ضرورت ہے، میر اورنگزیب خان دیناری

گنداواہ(نامہ نگار)
یوسی کھاری کے سابق چیئرمین میر اورنگزیب خان دیناری سے پریس کلب گنداواہ کے صحافیوں کے وفد نے ملاقات کی۔ ملاقات کے دوران علاقے کے مختلف عوامی مسائل، سماجی و سیاسی صورتحال اور ترقیاتی امور پر تفصیلی تبادلہ خیال کیا گیا۔
اس موقع پر میر اورنگزیب خان دیناری نے صحافیوں سے گفتگو کرتے ہوئے کہا کہ صحافت معاشرے کا اہم ستون ہے، جو عوامی مسائل کو اجاگر کرنے اور حکام بالا تک پہنچانے میں کلیدی کردار ادا کرتی ہے۔ انہوں نے کہا کہ علاقے کی تعمیر و ترقی اور عوامی مسائل کے حل کے لیے مثبت اور تعمیری صحافت وقت کی اہم ضرورت ہے۔
ملاقات خوشگوار ماحول میں ہوئی، جس میں باہمی روابط کو مزید مضبوط بنانے اور عوامی مسائل کو اجاگر کرنے کے عزم کا اظہار کیا گیا۔