مشکل وقت میں ساتھ دینے والوں کا شکر گزار ہوں، آئندہ بھی ان کے ساتھ کھڑا رہوں گا، سردار امیر بخش بھٹو

نوڈیرو (رپورٹ:عابد بھٹو)
سردار امیر بخش خان بھٹو نے کہا ہے کہ میں پورے سندھ کے ان نوابوں، سرداروں، قوموں کے معزز عمائدین، معزز شخصیات، بھٹو برادری کے معزز عمائدین اور اپنے علاقے کی برادری اور پڑوسیوں کا انتہائی شکر گزار ہوں جنہوں نے مشکل وقت میں میرا ساتھ دیا اور ہمدردی کی اور آئندہ بھی ہر قسم کا ساتھ دینے کی یقین دہانی کرائی ہے۔ میں ان سب کو یقین دلاتا ہوں کہ انشاء اللہ میرا بھی ان کے ساتھ ہر دم ساتھ رہے گا۔
سردار امیر بخش خان بھٹو نے مزید اپنی برادری، قوم اور ہمدردوں کو ہدایت کی ہے کہ جب تک میرپوربھٹو کے بنگلے کے فون نمبر سے یا پھر میرے مینجر وحید میرانی کے ذاتی موبائل نمبر سے کوئی ہدایت جاری نہیں ہوتی، تب تک کوئی بھی قدم نہ اٹھائیں، ایسا نہ ہو کہ شرپسند عناصر موقع کا غلط فائدہ اٹھا لیں۔