وکلا اور صحافی ایک دوسرے کا ہاتھ اور آنکھ ہیں، حیات قریشی

میرپورخاص(آفاق احمد خان) ​آل سندھ لائرز کنونشن: ممتاز قانون دانوں کی نیشنل پریس کلب آمد، صدر حیات قریشی کو شرکت کی دعوت
​وکلاء اور صحافی ایک دوسرے کا ہاتھ اور آنکھ ہیں، صدر نیشنل پریس کلب حیات قریشی کی یقین دہانی
​تفصیلات کے مطابق نیشنل پریس کلب میرپورخاص میں ممتاز قانون دان صدر ڈسٹرکٹ بار ایسوسی ایشن میرپورخاص قلندر بخش لغاری، جنرل سیکریٹری ڈسٹرکٹ بار ایسوسی ایشن میرپورخاص ابوالحسن نوندانی اور سید اختر حسین شاہ ایڈوکیٹ نے دورہ کیا۔ اس موقع پر انہوں نے نیشنل پریس کلب میرپورخاص کے صدر محمد حیات قریشی سے ملاقات کی اور انہیں کل بروز ہفتہ 7 نومبر کو قریشی بینکوئٹ میرپورخاص میں منعقد ہونے والے “آل سندھ لائرز کنونشن” کے تحت ہونے والے پروگرام میں خصوصی طور پر شرکت کرنے کا دعوت نامہ پیش کیا۔ نیشنل پریس کلب میرپورخاص کے صدر محمد حیات قریشی نے وکلاء حضرات کا دعوت نامہ بخوشی قبول کرتے ہوئے پروگرام میں بھرپور شرکت کرنے کی مکمل یقین دہانی کرائی۔ انہوں نے اپنے خیالات کا اظہار کرتے ہوئے کہا کہ وکلاء اور صحافیوں کا چولی دامن کا ساتھ ہے اور یہ دونوں طبقے ایک دوسرے کے ہاتھ اور آنکھ کی حیثیت رکھتے ہیں، انشا اللہ تعالی نیشنل پریس کلب میرپورخاص 7 نومبر کے اس اہم پروگرام میں بھرپور شرکت کرے گا۔ صدر نیشنل پریس کلب کی جانب سے اس یقین دہانی پر ممتاز قانون دان اور صدر ڈسٹرکٹ بار ایسوسی ایشن میرپورخاص قلندر بخش لغاری نے ان کا تہہ دل سے شکریہ ادا کیا۔