جھل مگسی پنجک روڈ پر فائرنگ، ایک شخص شدید زخمی ہسپتال منتقل

گنداواہ(نامہ نگار) نامعلوم مسلح موٹر سائیکل سواروں نے پنجک روڈ پولیس تھانہ سٹی جھل مگسی کے حدود میں فائرنگ کرکے ایک شخص کو شدید زخمی کردیا اور فرار ہوگئے۔
زخمی کو فوری طور پر ڈسٹرکٹ ہیڈکوارٹر اسپتال گنداواہ منتقل کردیا گیا، جہاں زخمی کی شناخت غلام مصطفیٰ ولد میر حسن، سکنہ گوٹھ پہلوان، تحصیل جھل مگسی کے نام سے ہوئی ہے واقعے کے بعد پولیس نے ملزمان کی تلاش شروع کردی ہے۔