عمران خان کی بہن علیمہ خان کو گرفتار کر لیا گیا

لاہور: بانی پی ٹی آئی عمران خان کی ہمشیرہ علیمہ خان کو پولیس نے لاہور سے گرفتار کرلیا۔

ذرائع کے مطابق علیمہ خان اپنے ڈرائیور امیر کے ہمراہ جم خانہ جارہی تھیں کہ لٹن روڈ پولیس نے انہیں حراست میں لے لیا۔

ذرائع کا کہنا ہے کہ علیمہ خان کو تین ایم پی او کے تحت حراست میں لیا گیا، جس کے بعد انہیں کوٹ لکھپت جیل منتقل کردیا گیا، جبکہ ان کی گاڑی مزنگ تھانے میں کھڑی ہے۔

ذرائع کے مطابق پولیس کی درخواست پر ڈپٹی کمشنر لاہور کی جانب سے تین ایم پی او کا حکم جاری کیا گیا، جس کے بعد علیمہ خان کو جیل منتقل کیا گیا۔