سیوی میں انسدادِ پولیو مہم کا افتتاح، پانچ سال تک کے بچوں کو قطرے پلائے جائیں گے،اسداللہ فیض

کمشنر سیوی ڈویژن اسداللہ فیض نے 21 ستمبر سے شروع ہونے والی انسدادِ پولیو مہم کا افتتاح بچوں کو پولیو سے بچاو¿ کے قطرے پلا کر کر دیا۔ اس موقع پر ڈپٹی کمشنر سیوی میجر (ر) الیاس کبزئی، ڈویڑنل ڈائریکٹر صحت، ڈویژنل پولیو آفیسر ڈاکٹر اشرف، ڈی ایچ او سیوی ڈاکٹر قادر ہارون سمیت دیگر متعلقہ افسران موجود تھے۔ کمشنر سیوی ڈویژن اسداللہ فیض نے اس موقع پر کہا کہ پولیو کا مکمل خاتمہ قومی ذمہ داری ہے، جس کے لیے والدین اور معاشرے کے تمام طبقات ضلعی انتظامیہ اور محکمہ صحت کی ٹیموں کے ساتھ بھرپور تعاون کریں۔ انہوں نے ہدایت کی کہ مہم کے دوران پانچ سال تک عمر کے تمام بچوں کو پولیو سے بچاو¿ کے قطرے پلانے کو یقینی بنایا جائے اور کوئی بچہ پولیو ویکسین سے محروم نہ رہے۔ انسدادِ پولیو مہم 21 سے 24 ستمبر تک جاری رہے گی، جس کے دوران محکمہ صحت اور پولیو پروگرام کی ٹیمیں ضلع بھر میں پانچ سال تک عمر کے بچوں کو پولیو سے بچاو¿ کے قطرے پلائیں گی۔ ضلعی انتظامیہ نے والدین سے اپیل کی ہے کہ وہ پولیو ٹیموں کے ساتھ تعاون کرتے ہوئے اپنے پانچ سال تک عمر کے بچوں کو لازمی طور پر پولیو سے بچاو¿ کے قطرے پلوائیں تاکہ بچوں کو عمر بھر کی معذوری سے محفوظ رکھا جا سکے۔