مستونگ میں مسلح افراد کی فائرنگ، 2 افراد جاں بحق، ایک شدید زخمی

مستونگ: مستونگ کے علاقے نوشہ کنک میں نامعلوم مسلح افراد کی فائرنگ سے 2 افراد جاں بحق جبکہ ایک شخص زخمی ہوگیا۔

پولیس کے مطابق فائرنگ کے نتیجے میں جاں بحق ہونے والوں میں ایک شخص ڈھاڈر کا رہائشی بتایا جاتا ہے جبکہ دوسرے کا تعلق مستونگ سے ہے۔ زخمی شخص کو طبی امداد کے لیے منتقل کردیا گیا ہے۔

پولیس ذرائع کا کہنا ہے کہ ابتدائی طور پر جاں بحق اور زخمی افراد کے بارے میں معلوم ہوا ہے کہ وہ مبینہ طور پر ڈکیتی کی وارداتوں میں ملوث ایک گروہ سے وابستہ تھے۔ ان کے نام ایک پک اپ گاڑی چھیننے کے واقعے میں بھی سامنے آئے تھے۔

واقعے کے بعد پولیس موقع پر پہنچ گئی اور شواہد اکٹھے کرکے تحقیقات شروع کردی۔ فائرنگ کی وجہ اور ملزمان کی شناخت کے لیے مختلف پہلوؤں سے تفتیش جاری ہے