سونا 600 روپے سستا، فی تولہ نئی قیمت سامنے آگئی

کراچی: عالمی اور مقامی مارکیٹوں میں سونے اور چاندی کی قیمتوں میں کمی ریکارڈ کی گئی ہے، جس کے بعد سونے کی فی تولہ قیمت 4 لاکھ 62 ہزار 336 روپے ہوگئی۔

بین الاقوامی بلین مارکیٹ میں سونے کی قیمت 6 ڈالر فی اونس کم ہوکر 4 ہزار 398 ڈالر کی سطح پر آگئی۔

مقامی صرافہ بازاروں میں 24 قیراط فی تولہ سونے کی قیمت میں 600 روپے کمی ہوئی، جس کے بعد نئی قیمت 4 لاکھ 62 ہزار 336 روپے ہوگئی۔ اسی طرح 10 گرام سونے کی قیمت 515 روپے کم ہوکر 3 لاکھ 96 ہزار 378 روپے ہوگئی۔

دوسری جانب چاندی کی قیمت میں بھی کمی ریکارڈ کی گئی۔ مقامی مارکیٹ میں فی تولہ چاندی 17 روپے سستی ہوکر 7 ہزار 124 روپے جبکہ 10 گرام چاندی کی قیمت 15 روپے کمی کے بعد 6 ہزار 107 روپے ہوگئی۔