کندھ کوٹ میں مبینہ سیاہ کاری کے الزام پر شوہر نے بیوی کو قتل کردیا

کندھ کوٹ(نامہ نگار) کندھ کوٹ کے قریب مبینہ سیاہ کاری کے الزام میں شوہر نے بیوی کو قتل کر دیا پولیس پہنچ کر لاش کو تحویل میں لے لیا ملزم فرار ہو گیا
تفصیلات کے مطابق؛ کندھ کوٹ پولیس تھانہ اے سیکشن کی حدود نواحی گاؤں محمد پناہ میں مبینہ سیاہ کاری کے الزام میں شوہر منیر سبزوئی نے اپنی بیوی مسمات (ز) خاتون کو پسٹل کے فائر مار کر قتل کرنے کے بعد فرار ہو گیا واقعہ کی اطلاع ملتے ہی حدود تھانہ کی پولیس گاؤں پہنچ کر مقتولہ خاتون کی لاش کو تحویل میں لیکر سول ہسپتال پہنچایا جہاں سے لاش ضروری قانونی کاغذی کارروائی کے بعد ورثاء کے حوالے کردی گئی پولیس کے پہنچنے سے قبل ہی ملزم گہر خالی کر کے فرار ہو گیا پولیس کے مطابق ملزم کی گرفتاری کیلئے چھاپہ مار کارروائی کا سلسلہ تیز کر دیا ہے آخری اطلاع تک پولیس ملزم کو گرفتار نہ کر سکی اور نہ ہی مذکورہ واقعہ کا مقدمہ درج کر سکی،