مسلم باغ: اسسٹنٹ کمشنر ماجد سلیم کا THQ ہسپتال کا تفصیلی دورہ

مسلم باغ: اسسٹنٹ کمشنر مسلم باغ ماجد سلیم نے THQ ہسپتال مسلم باغ کا تفصیلی دورہ کیا۔ دورانِ دورہ انہوں نے او پی ڈی، ایمرجنسی، وارڈز، ای پی آئی سیکشن، لیبارٹری اور میڈیسن اسٹور کا معائنہ کیا۔

اس موقع پر ہسپتال میں فراہم کی جانے والی طبی سہولیات، صفائی کی صورتحال، ادویات کی دستیابی اور عملے کی حاضری کا جائزہ لیا گیا۔

معائنے کے دوران ایمرجنسی اور لیبارٹری فعال پائی گئیں جبکہ ضروری ادویات کا مناسب ذخیرہ بھی موجود تھا۔

اسسٹنٹ کمشنر ماجد سلیم نے ہسپتال انتظامیہ کو ہدایت کی کہ عوام کو بروقت، معیاری اور بہتر طبی سہولیات کی فراہمی یقینی بنائی جائے اور فرائض میں غفلت یا کوتاہی کی صورت میں قانون و ضابطے کے مطابق کارروائی عمل میں لائی جائے۔