نوشکی بازار میں پولیس پر مبینہ حملہ، اہلکار جاں بحق

نوشکی: نوشکی بازار میں پولیس پر مبینہ حملے اور فائرنگ کے نتیجے میں ایک پولیس اہلکار جاں بحق ہوگیا۔

پولیس ذرائع کے مطابق فائرنگ سے جاں بحق اہلکار کی شناخت عبدالناصر کے نام سے ہوئی ہے، جن کی نعش ٹیچنگ ہسپتال منتقل کردی گئی۔

پولیس ذرائع کا کہنا ہے کہ مبینہ حملہ سٹی تھانے کے ایس ایچ او غلام محی الدین نشیب کو نشانہ بنا کر کیا گیا، تاہم وہ حملے میں محفوظ رہے۔

واقعے کے بعد پولیس نے علاقے میں کارروائی شروع کردی جبکہ مزید تحقیقات جاری ہیں۔