فیلڈ مارشل سید عاصم منیر کا دورہ ایران کامیاب، نتائج جلد سامنے آنے کا امکان

فیلڈ مارشل سید عاصم منیر کا دورہ ایران کامیاب، نتائج جلد سامنے آنے کا امکان

تہران: ایرانی صدارتی دفتر نے فیلڈ مارشل سید عاصم منیر کے دورہ ایران کو انتہائی نتیجہ خیز اور سودمند قرار دے دیا۔

ایرانی صدارتی دفتر کے مطابق فیلڈ مارشل سید عاصم منیر کے دورہ ایران کے دوران قابلِ قدر سفارتی کامیابیاں حاصل ہوئیں، جبکہ دونوں ممالک کے درمیان مختلف اہم امور پر مثبت پیش رفت ہوئی۔

ایرانی صدارتی دفتر کے ترجمان سید مہدی طباطبائی نے کہا کہ فیلڈ مارشل سید عاصم منیر کا دورہ انتہائی نتیجہ خیز رہا اور اس کے نتائج جلد ہی سامنے آنا شروع ہوجائیں گے۔

انہوں نے کہا کہ دورے کے دوران ہونے والی ملاقاتوں اور بات چیت سے پاکستان اور ایران کے درمیان باہمی تعاون اور سفارتی روابط کو مزید آگے بڑھانے میں مدد ملے گی۔

ایرانی صدارتی دفتر کا کہنا ہے کہ فیلڈ مارشل سید عاصم منیر کے دورے میں ہونے والی پیش رفت دونوں ممالک کے لیے اہم ثابت ہوسکتی ہے اور آنے والے دنوں میں اس کے عملی نتائج واضح ہوں گے۔