کوئٹہ میں شیخ زاید ہسپتال کے قریب فائرنگ، 2 افراد جاں بحق

کوئٹہ میں شیخ زاید ہسپتال کے قریب فائرنگ، 2 افراد جاں بحق

کوئٹہ: شیخ زاید ہسپتال کے قریب نامعلوم مسلح افراد کی فائرنگ سے 2 افراد جاں بحق ہوگئے، پولیس نے واقعے کی تحقیقات شروع کردی۔

پولیس کے مطابق فائرنگ کا واقعہ شیخ زاید ہسپتال کے قریب پیش آیا، جہاں نامعلوم مسلح افراد نے دو افراد کو نشانہ بنایا۔ فائرنگ کے نتیجے میں دونوں افراد موقع پر ہی جاں بحق ہوگئے۔

ابتدائی طور پر جاں بحق افراد کی شناخت نہیں ہوسکی، جبکہ پولیس نے جائے وقوعہ پر پہنچ کر شواہد اکٹھے کیے اور واقعے کی مختلف پہلوؤں سے تحقیقات شروع کردی ہیں۔

پولیس کے مطابق دونوں لاشوں کو ضروری قانونی کارروائی کے لیے سول ہسپتال منتقل کردیا گیا ہے، جہاں ان کی شناخت کا عمل بھی جاری ہے۔

ذرائع کے مطابق فائرنگ میں جاں بحق ہونے والے دونوں افراد افغانستان کی سابق جمہوری حکومت کے کمانڈر بصیر اچکزئی کے قریبی ساتھی بتائے جاتے ہیں، تاہم اس حوالے سے پولیس کی جانب سے تاحال باضابطہ تصدیق سامنے نہیں آئی۔

پولیس کا کہنا ہے کہ فائرنگ کے محرکات اور ملزمان سے متعلق معلومات جمع کی جارہی ہیں، جبکہ واقعے کی مزید تحقیقات جاری ہیں۔