کوئٹہ: بلوچستان پولیس کا جرائم پیشہ عناصر کے خلاف کریک ڈاؤن، 805 ملزمان گرفتار

کوئٹہ: بلوچستان پولیس کا جرائم پیشہ عناصر کے خلاف کریک ڈاؤن، 805 ملزمان گرفتار

کوئٹہ: بلوچستان پولیس نے جرائم پیشہ عناصر کے خلاف مختلف کارروائیوں کے دوران 43 اشتہاری، 296 مفرور ملزمان سمیت 466 مختلف جرائم میں ملوث افراد کو گرفتار کرلیا۔

پولیس کے مطابق کارروائیوں کے دوران 18 مغوی افراد کو بحفاظت بازیاب بھی کرایا گیا۔ یہ اقدامات آئی جی بلوچستان محمد طاہر کی ہدایت پر جرائم کی روک تھام اور عوام کے تحفظ کو یقینی بنانے کے لیے کیے جا رہے ہیں۔

بلوچستان پولیس کا کہنا ہے کہ اشتہاری، مفرور اور دیگر جرائم میں ملوث ملزمان کے خلاف کارروائیاں مزید تیز کی جائیں گی، جبکہ صوبے میں امن و امان کے قیام اور شہریوں کے تحفظ کے لیے تمام وسائل بروئے کار لائے جا رہے ہیں۔