میر رضا قتل کیس کی تحقیقات میں اہم پیش رفت

میر رضا قتل کیس کی تحقیقات میں اہم پیش رفت سامنے آئی ہے، ذرائع کے مطابق تفتیشی اداروں نے میر رضا کے نام پر رجسٹرڈ موبائل فون سم حاصل کرلی ہے۔

ذرائع کا کہنا ہے کہ پولیس کی درخواست پر موبائل کمپنی نے بائیو میٹرک اور ضروری دستاویزی کارروائی مکمل کرنے کے بعد سم جاری کی، جس کی ملکیت میر رضا کی والدہ کے نام پر منتقل کی گئی ہے۔

تفتیشی حکام کے مطابق سم کے ذریعے میر رضا کے واٹس ایپ اکاؤنٹ تک رسائی حاصل کرنے کی کوشش کی جائے گی، جبکہ واٹس ایپ بیک اپ ڈیٹا حاصل کرکے کیس کی تحقیقات کو مزید آگے بڑھایا جائے گا۔

ذرائع کے مطابق واٹس ایپ اکاؤنٹ سے ملنے والی معلومات قتل کیس کے حوالے سے اہم ثابت ہوسکتی ہیں اور تحقیقات میں مدد فراہم کرسکتی ہیں۔