صحبت پور میں تین افراد کی گولیاں لگی لاشیں برآمد

صحبت پور: تھانہ جیا خان کی حدود میں تین افراد کی گولیاں لگی لاشیں برآمد ہوئی ہیں، واقعے کے بعد علاقے میں خوف و ہراس پھیل گیا۔

ذرائع کے مطابق لاشیں گوٹھ اسحاق کھوسہ کے قریب سے ملی ہیں، جنہیں نامعلوم افراد کی جانب سے فائرنگ کرکے قتل کیے جانے کا امکان ظاہر کیا جا رہا ہے۔

اطلاع ملتے ہی پولیس جائے وقوعہ کی جانب روانہ ہوگئی جبکہ ہیڈکوارٹر شہر سے پولیس کی بھاری نفری بھی موقع پر پہنچنے کے لیے روانہ کردی گئی ہے۔

پولیس ذرائع کے مطابق تاحال تینوں افراد کی شناخت نہیں ہوسکی، جبکہ واقعے کی تحقیقات شروع کردی گئی ہیں اور شواہد اکٹھے کیے جا رہے ہیں۔