ڈی پی او چارسدہ رفعت اللہ خان کے زیر صدارت اردلی روم کا انعقاد کیا گیا

ڈی پی او چارسدہ رفعت اللہ خان کے زیر صدارت اردلی روم کا انعقاد کیا گیا

چارسدہ(نمائندہ خصوصی)گلوبل ٹائمز میڈیا یورپ کے مطابق ضلعی پولیس سربراہ چارسدہ رفعت اللہ خان (PSP) کے زیرِ صدارت اردلی روم کا انعقاد کیا گیا، جس میں پولیس افسران اور جوانوں کے ذاتی و محکمانہ مسائل غور سے سنے گئے۔ڈی پی او چارسدہ رفعت اللہ خان (PSP) نے اہلکاروں کے مسائل پر موقع پر احکامات جاری کرتے ہوئے بعض اہلکاروں کو رخصت، بعض کے تبادلے اور مستحق اہلکاروں کو پولیس ویلفیئر کے تحت سہولیات فراہم کرنے کے احکامات جاری کیے۔ڈی پی او چارسدہ نے واضح کیا کہ پولیس افسران و جوانوں کی فلاح و بہبود، جائز مسائل کا بروقت حل اور محکمانہ سہولیات کی فراہمی ترجیحات میں شامل ہیں۔ انہوں نے افسران کو ہدایت کی کہ اہلکاروں کے جائز مسائل کے حل میں کسی قسم کی غفلت یا تاخیر برداشت نہیں کی جائے گی۔