پاک، ترک، سعودی دفاعی معاہدے میں مصر کی شمولیت متوقع

پاک، ترک، سعودی دفاعی معاہدے میں مصر کی شمولیت متوقع

انقرہ: ترکیہ، پاکستان اور سعودی عرب کے درمیان طے پانے والے دفاعی معاہدے میں مصر کی شمولیت بھی متوقع ہے۔

ترک وزیر خارجہ ہاکان فیدان نے کہا ہے کہ دفاعی معاہدے کا مقصد تینوں ممالک کی پائیدار دفاعی صلاحیتوں کو مضبوط بنانا ہے، تاہم مستقبل میں ایک اور ملک کو بھی اس اتحاد میں شامل کیا جا سکتا ہے۔

ہاکان فیدان کے مطابق بعض تکنیکی معاملات حل ہونے کے بعد مصر کے معاہدے میں شامل ہونے کے امکانات موجود ہیں۔

ترک وزیر خارجہ نے کہا کہ مصر ترکیہ کا فطری اتحادی ہے اور دونوں ممالک پہلے ہی اتحادی حیثیت سے ایک دوسرے کے ساتھ رابطے میں ہیں۔

انہوں نے مزید کہا کہ مصر کی شمولیت سے دفاعی تعاون اور علاقائی سلامتی کے لیے مشترکہ کوششوں کو مزید وسعت مل سکتی ہے۔