کوئٹہ: ہزار گنجی میں فائرنگ، سینئر باکسر احمد یار جاں بحق، ملزم فرار

کوئٹہ: ہزار گنجی کے علاقے میں فائرنگ کے واقعے میں سینئر باکسنگ کھلاڑی احمد یار جاں بحق ہوگئے۔

ایس ایچ او شالکوٹ عادل شاہ کے مطابق مقتول کو مبینہ طور پر اس کے ماموں زاد بھائی انور نے گھریلو رنجش پر فائرنگ کرکے قتل کیا، جبکہ ملزم واقعے کے بعد فرار ہوگیا۔

پولیس کے مطابق احمد یار اور نامزد ملزم انور دونوں ایک گاڑیوں کی مکینک ورکشاپ پر کام کرتے تھے۔ واقعے کے بعد پولیس نے موقع سے شواہد اکٹھے کرکے تحقیقات شروع کردی ہیں، جبکہ ملزم کی گرفتاری کے لیے مختلف علاقوں میں چھاپے مارے جا رہے ہیں۔