تربت: کلاتک میں مسلح افراد کی ناکہ بندی، 7 مزدور اغوا، ایک لاش برآمد

تربت: کلاتک کے علاقے میں نامعلوم مسلح افراد نے مرکزی شاہراہ پر ناکہ بندی کرکے 7 مزدوروں کو گاڑی سے اتار کر اغوا کرلیا۔

پولیس ذرائع کے مطابق مغویوں میں 4 پنجابی اور 3 پختون مزدور شامل ہیں، جو کلاتک سے تربت واپس جا رہے تھے۔ ذرائع کا کہنا ہے کہ بعد ازاں سورگ کے مقام سے ایک پختون مزدور کی گولی لگی لاش برآمد ہوئی، جبکہ 4 پنجابی اور 2 پختون مزدور تاحال لاپتا ہیں۔

واقعے کے دوران فائرنگ کی زد میں آکر ایک مقامی راہ گیر عبدالرزاق بھی جاں بحق ہوگیا۔ واقعے کے بعد پولیس اور قانون نافذ کرنے والے اداروں نے علاقے میں سرچ آپریشن شروع کردیا ہے۔