چوہدری شہزاد چیمہ صدر پاکستان مسلم لیگ لیبرونگ پنجاب مقرر،نوٹیفکیشن جاری

چوہدری شہزاد چیمہ صدر پاکستان مسلم لیگ لیبرونگ پنجاب مقرر،نوٹیفکیشن جاری

چوہدری شہزاد چیمہ اپنی نئی ذمہ داریوں کی انجام دہی کے حوالے سے مستعدی اور دلجمعی سے کام کرینگے۔شافع حسین

لاہور (نمائندہ خصوصی)گلوبل ٹائمز میڈیا یورپ کے مطابق پاکستان مسلم لیگ پنجاب کے جنرل سیکرٹری صوبائی وزیر صنعت و تجارت پنجاب چوہدری شافع حسین نے چوہدری شہزاد چیمہ کو مسلم لیگ میں بہترین خدمات سرانجام دینے پر پاکستان مسلم لیگ لیبرونگ پنجاب کا کا صدر مقرر کردیا ہے۔اس سلسلے میں صوبائی عہدیداران کی مشاورت سے باقاعدہ نوٹیفکیشن بھی جاری کردیا گیا۔ مسٹر سیکرٹری ایٹ میں منقعدہ ایک تقریب میں چوہدری شافع حسین نے انہیں نوٹیفیکشن دیا تقریب میں راجہ شہزاد اختر۔ محمد اشرف چوہدری جنرل سیکرٹری پاکستان مسلم لیگ لیبر ونگ پنجاب۔چوہدری صدیق یوسف آرائیں ضلعی صدر مسلم لیگ وہاڑی۔ اور مسلم لیگی عہدیدارن بھی موجود تھے۔اس موقع پر گفتگو کرتے ہوئے چوہدری شافع حسین نے امید ظاہر کی کی کہ چوہدری شہزاد چیمہ اپنی نئی ذمہ داریوں کی انجام دہی کے حوالے سے پہلے سے بڑھ کر مستعدی اور دلجمعی سے کام کرینگے اور پاکستان مسلم لیگ کی قابل فخر سیاسی و اخلاقی روایات کی پاسداری کرتے ہوئے رواداری، اعتدال پسندی، برداشت اور بردباری جیسی اعلیٰ انسانی اقدار کے فروغ اور وطن عزیز میں مسلم لیگ کے پلیٹ فارم سے سیاسی، جمہوری و اقتصادی استحکام کے لیے اپنی ملی، قومی و تنظیمی ذمہ داریاں پوری کرینگے-انہوں نے دعا کی کہ میں دعا گو ہوں کہ یہ عہدہ آپ کے سیاسی مستقبل کے لیے موثر کردار ادا کرے اور مزید آگے بڑھنے کے لیے ترقی کا اہم زینہ ثابت ہو۔اس موقع پر گفتگو کرتے ہوئے چوہدری شہزاد چیمہ نے کہا کہ میں اپنے قائدین چوہدری شجاعت حسین، چوہدری شافع حسین،چوہدری سالک حسین کا بے حد مشکور ہوں جنہوں نے مجھے اہم ذمہ داری پر فائز کیا۔پارٹی نے جو ذمہ داری تفویض کی ہے اسے احسن طریقہ سے پورا کرونگا۔