سیکرٹری تعلیم اسکولز بلوچستان کا گورنمنٹ بوائز ہائی اسکول ملک جان محمد خان کا دورہ

کوئٹہ: سیکرٹری تعلیم اسکولز بلوچستان نے گورنمنٹ بوائز ہائی اسکول ملک جان محمد خان کوئٹہ کا دورہ کیا، جہاں انہوں نے تعلیمی اور انتظامی امور کا جائزہ لیا۔

دورے کے دوران سیکرٹری تعلیم نے مختلف کلاس رومز کا معائنہ کیا، اساتذہ اور طلبہ سے ملاقات کی اور تدریسی سرگرمیوں، حاضری اور اسکول میں دستیاب سہولیات کا جائزہ لیا۔

انہوں نے اسکول انتظامیہ کو ہدایت کی کہ طلبہ کو معیاری تعلیم کی فراہمی، نظم و ضبط اور صفائی کے انتظامات پر خصوصی توجہ دی جائے، جبکہ تعلیمی ماحول کو مزید بہتر بنانے کے لیے تمام دستیاب وسائل بروئے کار لائے جائیں۔

اس موقع پر متعلقہ افسران اور اسکول انتظامیہ نے سیکرٹری تعلیم کو ادارے کی کارکردگی، درپیش مسائل اور جاری تعلیمی سرگرمیوں سے متعلق بریفنگ بھی دی۔