کوئٹہ ،بی اے مال احتجاج ،متبادل روٹ پر ٹریفک پولیس کے اہلکار تعینات کئے جائیں

کوئٹہ (سٹی رپورٹر )ہنہ اوڑک سانحہ کے بعد بی اے مال کے سامنے احتجاج کے باعث ٹریفک معطل ہونے سے ٹریفک کیلئے فراہم کردہ متبادل روٹ پر ٹریفک کنٹرول کرنے کیلئے ٹریفک پولیس کا عملہ تعینات نہ ہونے کی وجہ سے چمن ہاﺅس پھاٹک ،پائند خان چوک کلی شابو روڈ جی او آر کالونی سمیت دیگر علاقوں میں بدترین ٹریفک جا م کی وجہ سے جہاں عوام کو شدید مشکلات کا سامنا کرنا پڑرہا ہے وہیں علاقہ مکین بھی شدید پریشانی کا شکار ہیں اور انہوں نے ایس ایس پی ٹریفک کوئٹہ سے اپیل کی ہے کہ فوری طور پر چمن ہاﺅس اسکیم پھاٹک ،پائند خان چوک ،کلی شابو روڈ اور جی آر او کالونی سمیت دیگر علاقوں میں فوری طور پر ٹریفک پولیس کے اہلکار تعینات کئے جائیں تاکہ ٹریفک کو کنٹرول کیا جاسکے اور راہگیروں اور علاقہ مکینوں کو مشکلات سے نجات دلائی جا سکے