کوئٹہ: جعفر ایکسپریس کی آج کی سروس معطل، ٹرین آپریشن عارضی طور پر منسوخ

کوئٹہ (نمائندہ خصوصی) پاکستان ریلویز نے کوئٹہ سے پشاور جانے والی جعفر ایکسپریس کی آج کی سروس معطل کر دی ہے۔ ذرائع کے مطابق ٹرین سروس کو ناگزیر وجوہات کی بنا پر منسوخ کیا گیا ہے۔

ریلوے ذرائع کا کہنا ہے کہ کوئٹہ سے پشاور روانہ ہونے والی جعفر ایکسپریس آج اپنی منزل کی جانب روانہ نہیں ہوگی، جبکہ پشاور سے آنے والی جعفر ایکسپریس کو جیکب آباد ریلوے اسٹیشن پر روک کر واپس بھیج دیا جائے گا۔

ذرائع کے مطابق ٹرین سروس کی معطلی عارضی نوعیت کی ہے اور صورتحال معمول پر آنے کے بعد سروس بحال کرنے کے حوالے سے فیصلہ کیا جائے گا۔ ریلوے حکام نے مسافروں کو ہدایت کی ہے کہ سفر سے قبل متعلقہ ریلوے اسٹیشن یا ہیلپ لائن سے رابطہ کرکے تازہ ترین معلومات حاصل کریں۔