دالبندین: ٹرالر اور پک اپ میں خوفناک تصادم، 11 افراد جاں بحق ہونے کی اطلاعات

دالبندین: دالبندین کے نواحی علاقے میں ٹرالر اور پک اپ گاڑی کے درمیان خوفناک تصادم کے نتیجے میں 11 افراد کے جاں بحق ہونے کی اطلاعات موصول ہوئی ہیں۔

ذرائع کے مطابق حادثہ تیز رفتاری اور گاڑیوں کے آپس میں ٹکرانے کے باعث پیش آیا، جس کے نتیجے میں متعدد افراد موقع پر ہی جان کی بازی ہار گئے۔ اطلاع ملتے ہی ریسکیو ٹیمیں اور قانون نافذ کرنے والے ادارے جائے حادثہ پر پہنچ گئے اور امدادی کارروائیاں شروع کر دیں۔

لاشوں اور زخمیوں کو قریبی ہسپتال منتقل کیا جا رہا ہے جبکہ حکام کی جانب سے حادثے کی وجوہات جاننے کے لیے تحقیقات کا آغاز کر دیا گیا ہے۔