خضدار،شدید کشیدگی، مسلح افراد کے کنٹرول اور سرکاری عمارتوں کو آگ لگانے کی اطلاعات

خضدار کی تحصیل نال میں شدید کشیدہ صورتحال پیدا ہوگئی ہے، جہاں مختلف ذرائع اور سوشل میڈیا رپورٹس کے مطابق مبینہ طور پر مسلح افراد نے شہر کے بعض حصوں پر کنٹرول حاصل کرنے کا دعویٰ کیا ہے۔

اطلاعات کے مطابق مسلح افراد نے پولیس اسٹیشن، سیکیورٹی اداروں کے دفاتر اور متعدد سرکاری عمارتوں کو نذرِ آتش کر دیا ہے۔ مقامی سطح پر سامنے آنے والی ویڈیوز اور تصاویر میں مختلف مقامات پر آگ لگنے اور مسلح افراد کی موجودگی کے مناظر دیکھے جا رہے ہیں، تاہم ان کی آزادانہ تصدیق تاحال نہیں ہو سکی۔

Browse Posts

کشمور پولیس کی بڑی کامیاب کارروائی انٹیلیجنس بیسڈ آپریشن کے دوران بدنام زمانہ ڈکیت ملگزار عرف ملھو بھلکانی ہلاک

روہڑی ریلوے پولیس کا کارخانے پر چھاپہ، مبینہ سرکاری ریلوے سامان برآمد

عوام پاکستان پارٹی بلوچستان نے شٹر ڈاؤن ، پہیہ جام ہڑتال کی حمایت کا اعلان کردیا

ذرائع کا کہنا ہے کہ صورتحال کے پیش نظر سیکیورٹی فورسز نے علاقے کا کنٹرول دوبارہ حاصل کرنے کے لیے آپریشن شروع کر دیا ہے، جبکہ ڈرونز اور ہیلی کاپٹروں کے استعمال کی بھی اطلاعات ہیں۔ تاہم اب تک شہر کے مکمل کنٹرول کی بحالی یا سرکاری سطح پر کسی حتمی بیان کی تصدیق نہیں ہو سکی۔

علاقے میں صورتحال بدستور کشیدہ ہے اور مواصلاتی ذرائع کے مطابق وقفے وقفے سے فائرنگ اور نقل و حرکت کی اطلاعات موصول ہو رہی ہیں۔