روہڑی کے میاں عبدالقیوم پارک میں آتشزدگی سے قیمتی سامان جل کر خاکستر ہو گیا

سکھر (رپورٹ: اسلم سومرو) روہڑی کے نیوی پارک کے قریب واقع میاں عبدالقیوم پارک میں اچانک آگ بھڑک اٹھی، جس کے نتیجے میں بچوں کے جھولے، تفریحی گیمز کا سامان، فریج، جنریٹر اور دیگر قیمتی اشیاء جل کر خاکستر ہوگئیں۔ واقعے کے باعث لاکھوں روپے کا مالی نقصان ہونے کی اطلاعات ہیں۔
آگ لگنے کی اطلاع ملتے ہی صوبائی وزیر بلدیات سندھ سید ناصر حسین شاہ کے فوکل پرسن اور پاکستان پیپلز پارٹی سٹی روہڑی کے انفارمیشن سیکریٹری عرفان علی دائودپوٹو نے فوری طور پر فائر بریگیڈ اور ریسکیو 1122 کی ٹیموں کو متحرک کیا، جنہوں نے موقع پر پہنچ کر آگ پر قابو پایا اور مزید نقصان سے بچاؤ کے اقدامات کیے بعد ازاں عرفان علی دائودپوٹو اپنی ٹیم کے ہمراہ متاثرہ پارک پہنچے، جہاں انہوں نے آگ سے ہونے والے نقصان کا تفصیلی جائزہ لیا اور متعلقہ حکام سے واقعے کی رپورٹ طلب کی۔ اس موقع پر انہوں نے کہا کہ آگ لگنے کی وجوہات کا مکمل تعین کیا جائے گا اور ذمہ دار عناصر کے خلاف قانون کے مطابق کارروائی عمل میں لائی جائے گی انہوں نے کہا کہ میاں عبدالقیوم پارک روہڑی کے شہریوں، خصوصاً بچوں کی تفریح کا اہم مرکز ہے، اس لیے پارک کی بحالی کے لیے ہنگامی بنیادوں پر اقدامات کیے جائیں گے۔ انہوں نے اعلان کیا کہ پارک میں نئے جھولے، جدید تفریحی سامان اور دیگر ضروری سہولیات فراہم کی جائیں گی تاکہ شہری دوبارہ اس تفریحی مقام سے مستفید ہو سکیں عرفان علی دائودپوٹو نے مزید کہا کہ عوامی خدمت، شہری سہولیات کی فراہمی اور روہڑی کی خوبصورتی کے لیے جاری ترقیاتی اقدامات کا سلسلہ برقرار رکھا جائے گا اور میاں عبدالقیوم پارک کو پہلے سے بہتر انداز میں بحال کرکے عوام کے لیے کھولا جائے گا۔ شہریوں نے بھی پارک کی جلد بحالی کے اعلان کا خیرمقدم کرتے ہوئے انتظامیہ سے فوری عملی اقدامات کا مطالبہ کیا ہے۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی