اندرون سندھ میں بجلی کی فراہمی مرحلہ وار بحال کی جا رہی ہے، انجینئر اعجاز احمد چنہ

سکھر(رپورٹ اسلم سومرو)سیپکو کا طوفان سے متاثرہ گرڈ اسٹیشنز اور فیڈرز کی بحالی کا کام دن رات جاری ہے اور سیپکو کے عملے نے حالیہ بارشوں اور طوفان سے متاثرہ نوے فیصد گرڈ اسٹیشنز اور فیڈرز کو بحال کر دیا ہے۔ اندرون سندھ کے مختلف شہروں میں بجلی کی فراہمی بھی دوبارہ شروع کر دی گئی ہے۔ سیپکو کا عملہ باقی ماندہ متاثرہ تنصیبات کی بحالی کے لیے بھی دن رات کام کر رہا ہے۔سیپکو کے چیف ایگزیکٹو آفیسر انجینئر اعجاز احمد چنہ نے متاثرہ علاقوں کا دورہ کر کے بحالی کے کام کا جائزہ بھی لیا۔ افسران نے انہیں جاری کارروائیوں پر تفصیلی بریفنگ دی اس موقع پر سی ای او سیپکو انجینئر اعجاز احمد چنہ نےبحالی کے کام پر ہمیں اطمینان کا اظہار کرتے ہوئے کہا کہ باقی رہ جانے والے گرڈ اسٹیشنز اور فیڈرز کو بھی جلد از جلد بحال کیا جائے گا۔ ہمارا عملہ دن رات کام کر رہا ہے۔سی ای او سیپکو نے افسران اور عملے کی کارکردگی کو سراہتے ہوئے کہا کہ طوفان سے ہونے والے نقصان کے باوجود اتنی جلدی بجلی کی بحالی ممکن نہ تھی، لیکن ٹیم نے ناممکن کو ممکن کر دکھایا۔افسران اور عملے نے جس طرح دن رات ایک کر کے بجلی بحال کرنے کی کوشیں کی ہیں، وہ قابل ستائش ہیں۔ انہوں نے ناممکن کو ممکن کر کے دکھایا ہےانجینئر اعجاز احمد چنہ نے بحالی کے دوران عوام کے تعاون پر بھی شکریہ ادا کیا اور کہا کہ صارفین کو بجلی کی بلا تعطل فراہمی ان کی اولین ترجیح ہے۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی