میزئی اڈہ: مذاکرات کامیاب، دھرنا اور ہڑتال ختم

میزئی اڈہ کے مقام پر جاری احتجاجی دھرنا عوامی نیشنل پارٹی کے قائدین اور اعلی انتظامی حکام کے ساتھ کامیاب مذاکرات کے بعد باقاعدہ ختم کرنے کا اعلان کر دیا گیا ہے، جس کے بعد قومی شاہراہ کو ہر قسم کی ٹریفک کے لیے بحال کر دیا گیا ہے۔ تفصیلات کے مطابق عوامی نیشنل پارٹی کے مرکزی رہنما و پارلیمانی لیڈر انجینئر زمرک خان اچکزئی، کمشنر کوئٹہ ڈویژن شاہ زیب خان کاکڑ، اے این پی کے مرکزی سینئر نائب صدر داد خان اچکزئی، ایڈیشنل ڈپٹی کمشنر قلعہ عبداللہ ذیشان خان پانیزئی، ڈی پی او قلعہ عبداللہ اطہر رشید اور اسسٹنٹ کمشنر سردار عبداللہ خان نے میزئی اڈہ میں دھرنا گاہ کا دورہ کیا اور وہاں موجود عمائدین سے تفصیلی مذاکرات کیے۔مذاکرات کے دوران حکام اور سیاسی قائدین نے دھرنے کے شرکا اور عمائدین کے تمام جائز مطالبات کو فوری طور پر تسلیم کرنے کی یقین دہانی کرائی، جس پر دھرنا انتظامیہ نے احتجاج ختم کرنے پر رضامندی ظاہر کی۔ دھرنا ختم ہونے کے بعد کئی گھنٹوں سے معطل قومی شاہراہ کو ہر طرح کی آمد و رفت کے لیے کھول دیا گیا ہے جس سے گاڑیوں کی لمبی لائنیں چھٹ گئیں اور مسافروں نے سکھ کا سانس لیا۔ دوسری جانب واقعے میں جاں بحق ہونے والے افراد کی میتوں کو ضروری قانونی و طبی کارروائی اور پوسٹ مارٹم کے لیے سرکاری سرپرستی میں کوئٹہ روانہ کر دیا گیا ہے اور انتظامیہ نے علاقے میں امن و امان برقرار رکھنے کے لیے سیکیورٹی کے سخت انتظامات کیے ہیں۔

Browse Posts

کشمور پولیس کی بڑی کامیاب کارروائی انٹیلیجنس بیسڈ آپریشن کے دوران بدنام زمانہ ڈکیت ملگزار عرف ملھو بھلکانی ہلاک

روہڑی ریلوے پولیس کا کارخانے پر چھاپہ، مبینہ سرکاری ریلوے سامان برآمد

عوام پاکستان پارٹی بلوچستان نے شٹر ڈاؤن ، پہیہ جام ہڑتال کی حمایت کا اعلان کردیا