ڈی سی حب کا بی ایس ڈی آئی فیز تھری منصوبوں کی حتمی منظوری پر اہم اجلاس

حب(نمائندہ خصوصی)
حب بی ایس ڈی آئی فیز تھری منصوبوں کی حتمی منظوری کیلئے اہم اجلاس منعقد
ڈپٹی کمشنر حب کیپٹن ریٹائرڈ جمعہ داد خان مندوخیل کی زیر صدارت جبکہ 44 ڈویژن گوادر کے بریگیڈیئر فواد کی شریک صدارت میں بی ایس ڈی آئی فیز تھری کے ترقیاتی منصوبوں کی حتمی منظوری کے حوالے سے اہم اجلاس کانفرنس ہال ایل آئی ای ڈی اے میں منعقد ہوا۔ اجلاس میں لائن و ایگزیکیوشن ڈیپارٹمنٹس کے ضلعی سربراہان اور متعلقہ افسران نے شرکت کی۔
اجلاس کے دوران مختلف شعبوں سے متعلق ترقیاتی اسکیموں کا سیکٹر وائز تفصیلی جائزہ لیا گیا۔ ہر محکمہ نے اپنی مجوزہ اسکیمیں فورم کے سامنے ایک ایک کرکے پیش کیں جن پر تفصیلی غور و خوض کیا گیا۔ صحت، تعلیم، ہائر ایجوکیشن، لوکل گورنمنٹ، سڑکوں اور دیگر بنیادی سہولیات سے متعلق منصوبے فیز تھری میں شامل کیے گئے۔
اجلاس میں اس امر پر زور دیا گیا کہ تمام ترقیاتی منصوبے عوامی ضروریات اور میرٹ کو مدنظر رکھتے ہوئے مکمل کیے جائیں تاکہ ضلع حب میں بنیادی سہولیات کی فراہمی اور ترقیاتی عمل کو مزید مؤثر بنایا جا سکے۔