وزیر اعلیٰ بلوچستان کی چیئرمین سینیٹ سے ملاقات، اہم امور پر تبادلہ خیال

اسلام آباد میں وزیر اعلیٰ بلوچستان میر سرفراز بگٹی نے چیئرمین سینیٹ سید یوسف رضا گیلانی سے ملاقات کی، جس میں باہمی دلچسپی کے امور، ملکی سیاسی صورتحال اور سینیٹ کے کردار سمیت قومی معاملات پر تفصیلی تبادلہ خیال کیا گیا۔ دونوں رہنماؤں نے جمہوری اداروں کے استحکام اور قومی ہم آہنگی کے فروغ پر اتفاق کیا۔

Browse Posts

محصولات کی شفاف اور بروقت وصولی یقینی بنائی جائے ، محمد اسماعیل مینگل

کوئٹہ: نواں کلی میں تجاوزات کے خلاف بڑا آپریشن، غیر قانونی تعمیرات ہٹا دی گئیں

ترقیاتی منصوبے بروقت مکمل کیے جائیں، معیار پر کوئی سمجھوتہ نہیں،ڈی سی لورالائی

وزیر اعلیٰ بلوچستان نے اس موقع پر کہا کہ سینیٹ آف پاکستان ایک باوقار آئینی فورم ہے جو تمام اکائیوں کی یکساں نمائندگی کو یقینی بناتا ہے۔ انہوں نے کہا کہ ایوانِ بالا قومی یکجہتی، جمہوری تسلسل اور وفاق کی مضبوطی میں اہم کردار ادا کر رہا ہے۔

انہوں نے مزید کہا کہ “معرکۂ حق” میں حاصل ہونے والی کامیابی سیکیورٹی فورسز کی پیشہ ورانہ حکمت عملی اور قوم کے اتحاد کا نتیجہ ہے۔ ان کے مطابق مشکل حالات میں قوم نے یکجہتی کا مظاہرہ کرتے ہوئے دشمن کے عزائم کو ناکام بنایا، جبکہ سیکیورٹی فورسز کی قربانیاں ناقابلِ فراموش ہیں۔

چیئرمین سینیٹ سید یوسف رضا گیلانی نے کہا کہ بلوچستان ملک کا دل ہے اور اس کی ترقی و خوشحالی قومی ترجیحات میں سرفہرست ہے۔ انہوں نے کہا کہ بلوچستان کی مؤثر پارلیمانی نمائندگی قومی یکجہتی کی عکاسی کرتی ہے۔

انہوں نے مزید کہا کہ وفاق کی مضبوطی بلوچستان کی ترقی سے جڑی ہے اور ایوانِ بالا صوبے کے حقوق کے تحفظ کے لیے اپنا کردار ادا کرتا رہے گا۔