کوئٹہ: تندوروں اور گوشت کی دکانوں کے خلاف کارروائی، 6 افراد گرفتار

ڈپٹی کمشنر کوئٹہ مہراللہ بادینی کی ہدایات کے مطابق اسسٹنٹ کمشنر (صدر) محمد یوسف ہاشمی نے نواں کلی، ائیرپورٹ روڈ اور عالمو چوک کے علاقوں میں تندوروں اور گوشت کی دکانوں کے خلاف کارروائیاں کیں۔
کارروائی کے دوران مقررہ نرخوں کی خلاف ورزی اور دیگر بے ضابطگیوں پر 6 افراد کو گرفتار کرکے جیل منتقل کر دیا گیا، جبکہ 3 دکانوں کو سیل کر دیا گیا۔
ضلعی انتظامیہ کے مطابق عوامی شکایات کے ازالے اور سرکاری نرخنامے پر عملدرآمد کو یقینی بنانے کے لیے ایسی کارروائیاں بلا تعطل جاری رہیں گی۔