کورنگی کی شاہراہوں کا سرعام سودا

کورنگی کی شاہراہوں کا سرعام سودا
بااثر حلقوں کی سرپرستی اور انتظامیہ کی ملی بھگت سے تجاوزات کا ناسور پورے ضلع میں پھیل گیا عوام کا جینا محال

Browse Posts

بلدیاتی انتخابات جمہوریت کی روح ہے

غزہ کی نسل کُشی اور مسلم حکمرانوں کا مجرمانہ کردار

عنوان: مسافتِ لاحاصل

کراچی کورنگی رپورٹ
محمد عُبيــــدالله میرانی

ضلع کورنگی میں تجاوزات کا عذاب اب محض ایک انتظامی مسئلہ نہیں رہا بلکہ یہ ایک ایسے موذی ناسور کی شکل اختیار کر چکا ہے جسے دانستہ طور پر کرپشن کی بھینٹ چڑھا دیا گیا ہے ضلع کی ہر شاہراہ ہر گلی کوچہ اور ہر فٹ پاتھ مبینہ طور پر بااثر حلقوں کی سرپرستی میں نیلام ہو رہا ہے جس کے باعث عوام کا سانس لینا بھی دشوار ہو چکا ہے ضلع کے انتہائی متاثرہ علاقوں بشمول کورنگی ڈھائی نمبر 4 نمبر 12 ہزار روڈ باغِ کورنگی مہران ٹاؤن ناصر جمپ کورنگی کراسنگ لانڈھی 89 ایریا 37-D اور کورنگی ڈھائی چورنگی سے سنگر چورنگی تک کے علاقوں کا جائزہ لینے اور وہاں موجود محنت کشوں سے پوچھ گچھ کرنے پر ہوش رُبا انکشافات سامنے آئے ہیں سڑکوں پر ٹھیلے اور اسٹال لگانے والے مزدوروں نے بتایا کہ ہم اپنی خوشی سے سڑکوں پر نہیں بیٹھتے بلکہ ہمیں علاقے کے بااثر حلقوں اور انتظامیہ کے دفاتر سے گرین سگنل ملنے کے بعد ہی یہاں کام کرنے کی اجازت ملتی ہے ہمیں اپنے بچوں کی روزی روٹی کے لیے مجبوراً ان طاقتور حلقوں بشمول ایم این ایز ایم پی ایز ڈی سی کورنگی کا عملہ ٹی ایم سی عملہ کورنگی پولیس اور دیگر بااثر افراد کو روزانہ ہفتہ وار اور ماہانہ بنیادوں پر بھاری رشوت اور بھتہ دینا پڑتا ہے تحقیقات کے دوران یہ بات سامنے آئی ہے کہ جب بھی انتظامیہ تجاوزات کے خلاف آپریشن کا ڈرامہ رچاتی ہے تو بھتہ خور اہلکار قبضہ مافیا کو پہلے ہی اطلاع دے کر محفوظ کر دیتے ہیں جس کے باعث آپریشن محض ایک فوٹو سیشن تک محدود رہ جاتا ہے اس منظم ناسور کو کچھ نام نہاد صحافیوں کی بھی پشت پناہی حاصل ہے جو چند ٹکوں کے عوض حقائق پر پردہ ڈال کر قبضہ مافیا کی وکالت کرتے ہیں پریشان حال عوام کا کہنا ہے کہ تجاوزات کی وجہ سے سڑکیں اتنی تنگ ہو چکی ہیں کہ ایمبولینسیں مریضوں کو لے کر راستوں میں پھنس جاتی ہیں جس کی وجہ سے کئی قیمتی انسانی جانیں ضائع ہو چکی ہیں سوال یہ پیدا ہوتا ہے کہ جب عوامی شکایات اعلیٰ حکام تک پہنچتی ہیں تو پھر وہ کون ہے جو انتظامیہ کے ہاتھ باندھے بیٹھا ہے آخر وہ کون سی طاقت ہے جو اس ناسور کے خاتمے میں رکاوٹ بنی ہوئی ہے کورنگی کی عوام اب مزید ذلت اور اذیت برداشت کرنے کے لیے تیار نہیں اس رپورٹ کے ذریعے کمشنر کراچی سے پُرزور مطالبہ کیا جاتا ہے کہ وہ اپنے دفتر سے باہر نکلیں اور ان بااثر حلقوں و رشوت خور افسران کے خلاف فی الفور سخت کارروائی کریں جو شہر کی شاہراہوں کو نیلام کر رہے ہیں اگر اب بھی کوئی ٹھوس قدم نہ اٹھایا گیا تو یہ تسلیم کرنا پڑے گا کہ یہ ضلع صرف بااثر افراد کی ذاتی جاگیر بن کر رہ گیا ہے