مشکل گھڑی میں عوام کے ساتھ کھڑے ہیں: حضرت مولانا عبد الواسع کا متاثرین سے اظہارِ ہمدردی

تحریر: محمد حنیف کاکڑ راحت زئی

قلعہ سیف اللہ — حالیہ طوفانی بارشوں اور شدید ژالہ باری نے ضلع قلعہ سیف اللہ کے مختلف علاقوں میں وسیع پیمانے پر تباہی مچائی، جس کے نتیجے میں متعدد خاندان شدید متاثر ہوئے۔ ایسے نازک حالات میں خادمِ عوام و محسنِ بلوچستان، سینیٹر حضرت مولانا عبد الواسع صاحب نے متاثرہ علاقوں کا ہنگامی دورہ کر کے نہ صرف زمینی حقائق کا جائزہ لیا بلکہ متاثرین کے ساتھ بھرپور یکجہتی کا اظہار بھی کیا۔

Browse Posts

تقریبِ وصال میں سماج، علم اور رشتوں کی خوشبو

فریبِ مصلحت اور صلح کی دشوار گزار راہیں

جدید معاشرتی زوال کیمیائی خوراک اور منشیات کا جان لیوا گٹھ جوڑ

اس موقع پر ان کے ہمراہ ڈی جی پی ڈی ایم اے جہانزیب کاکڑ، ڈپٹی کمشنر قلعہ سیف اللہ ساگر کمار، اور تحصیل قلعہ سیف اللہ کے امیر مولانا محمد نعیم صاحب بھی موجود تھے۔ وفد نے کاریز موسیٰ زئی، بندات پسین زئی، بندات فتوزئی، میرزئی سمیت دیگر متاثرہ علاقوں کا دورہ کیا اور متاثرہ خاندانوں سے براہِ راست ملاقات کر کے ان کے نقصانات، مشکلات اور فوری ضروریات سے آگاہی حاصل کی۔

دورے کے دوران حضرت مولانا عبد الواسع صاحب نے متاثرین کی حالتِ زار پر گہرے دکھ اور افسوس کا اظہار کرتے ہوئے کہا کہ مشکل کی اس گھڑی میں جمعیت علماء اسلام اور اس کی قیادت متاثرہ عوام کے ساتھ شانہ بشانہ کھڑی ہے۔ انہوں نے واضح کیا کہ متاثرین کو کسی صورت تنہا نہیں چھوڑا جائے گا اور ہر ممکن وسائل بروئے کار لا کر ان کی مدد کو یقینی بنایا جائے گا۔

انہوں نے اس عزم کا اعادہ کیا کہ متاثرہ علاقوں کے مسائل کو بلوچستان اسمبلی کے فلور پر مؤثر انداز میں اٹھایا جائے گا، جبکہ وفاقی و صوبائی حکومتوں کے سامنے بھی بھرپور نمائندگی کرتے ہوئے فوری ریلیف اور بحالی کے اقدامات کو یقینی بنایا جائے گا۔ ان کا کہنا تھا کہ موجودہ حالات فوری اور مربوط حکمت عملی کے متقاضی ہیں تاکہ متاثرہ افراد کو بروقت سہولیات فراہم کی جا سکیں۔ انہوں نے متعلقہ اداروں کو ہدایت دی کہ امدادی سرگرمیوں میں تیزی لائی جائے اور متاثرین تک بنیادی ضروریات کی فراہمی میں کسی قسم کی تاخیر نہ ہونے دی جائے۔

یہ دورہ نہ صرف متاثرہ عوام کے لیے حوصلہ افزا ثابت ہوا بلکہ اس بات کا واضح پیغام بھی دیا کہ قیادت مشکل کی گھڑی میں عوام کو تنہا نہیں چھوڑتی۔ ایسے اقدامات عوامی خدمت، ذمہ دار قیادت اور عملی سیاست کی بہترین مثال ہیں، جو متاثرین کے زخموں پر مرہم رکھنے اور انہیں دوبارہ معمول کی زندگی کی طرف لانے میں اہم کردار ادا کرتے ہیں۔