سریاب روڈ فیض آباد میں فائرنگ 3 افراد جاں بحق

بلوچستان کے دارالحکومت کوئٹہ کے مصروف علاقے سریاب روڈ پر نامعلوم مسلح افراد کی فائرنگ سے تین افراد جاں بحق اور دو دیگر زخمی ہو گئے۔
پولیس کے مطابق واقعہ سریاب روڈ پر پیش آیا جہاں مسلح حملہ آوروں نے فائرنگ کر کے تین شہریوں کو ہلاک کر دیا۔ جاں بحق ہونے والوں کی شناخت ہارون ولد جمیل، غفور ولد وحید بخش اور نصیب اللہ ولد نامعلوم کے نام سے ہوئی ہے۔
زخمی ہونے والوں میں عبدالحفیظ اور جمیل شامل ہیں، جنہیں فوری طور پر سول ہسپتال کوئٹہ منتقل کر دیا گیا جہاں انہیں طبی امداد فراہم کی جا رہی ہے۔
پولیس نے واقعے کی جگہ سے ملنے والی شواہد کی بنیاد پر ایف آئی آر درج کر لی ہے اور تفتیش کا آغاز کر دیا گیا ہے۔ ابتدائی معلومات کے مطابق حملہ آور فرار ہونے میں کامیاب ہو گئے۔
حکام کا کہنا ہے کہ واقعے کی مکمل تفتیش کی جا رہی ہے اور جلد ہی ملزمان کو گرفتار کر لیا جائے گا۔