معصوم ہزارہ سبزی فروشوں کو نشانہ بنانا بزدلانہ اور انسانیت سوز عمل ہے، علامہ سہیل اکبر شیرازی

گنداواہ(رپورٹ شیر احمد ساسولی نمائندہ صحافت)مجلسِ وحدت مسلمین بلوچستان کے صوبائی صدر علامہ سہیل اکبر شیرازی نے ہزارگنجی، کوئٹہ میں معصوم ہزارہ سبزی فروشوں کو نشانہ بنانے کے دلخراش دہشت گردی کے واقعے کی شدید الفاظ میں مذمت کرتے ہوئے کہا ہے کہ یہ ایک نہایت بزدلانہ، انسانیت سوز اور قابلِ نفرت اقدام ہے جس کی جتنی بھی مذمت کی جائے کم ہے۔
انہوں نے کہا کہ بے گناہ محنت کش افراد کو روزی روٹی کی تلاش میں نشانہ بنانا کھلی دہشت گردی اور انسانیت کے خلاف سنگین جرم ہے۔ ایسے واقعات نہ صرف امن و امان کو سبوتاژ کرتے ہیں بلکہ معاشرے میں خوف و ہراس پھیلانے کی سازش بھی ہیں۔
علامہ سہیل اکبر شیرازی نے حکومت اور قانون نافذ کرنے والے اداروں سے مطالبہ کیا کہ وہ اس افسوسناک واقعے میں ملوث عناصر کو فوری گرفتار کر کے قرار واقعی سزا دیں اور شہریوں، کو مکمل تحفظ فراہم کریں۔ انہوں نے کہا کہ عوام کے جان و مال کا تحفظ ریاست کی اولین ذمہ داری ہے
انہوں نے شہداء کے لواحقین سے دلی ہمدردی اور تعزیت کا اظہار کرتے ہوئے کہا کہ مجلسِ وحدت مسلمین بلوچستان غم کی اس گھڑی میں متاثرہ خاندانوں کے ساتھ کھڑی ہے اور ان کے دکھ میں برابر کی شریک ہے۔ اللہ تعالیٰ شہداء کو جنت الفردوس میں اعلیٰ مقام عطا فرمائے اور زخمیوں کو جلد صحت یابی نصیب فرمائے۔

Browse Posts

ایم این اے آصف خان کا گورنمنٹ سٹی گرلز کالج گلبہار کا تفصیلی دورہ

پشاور میوزیم میں سووینئر شاپ کی افتتاحی تقریب کا انعقاد کیا گیا

وزیر اعظم پاکستان کا لبنان میں جنگ بندی کا خیر مقدم