فیلڈ مارشل عاصم منیر کی قیادت عالمی امن کے لیے سنگ میل ہے، رابعہ بلوچ

کوئٹہ (پ ر)صوبائی رہنما پاکستان پیپلز پارٹی رابعہ بلوچ نے کہا ہے کہ فیلڈ مارشل سید عاصم منیر کی دانشمندانہ قیادت اور مسلسل سفارتی کوششوں کے باعث نہ صرف خطے میں کشیدگی میں واضح کمی آئی ہے بلکہ ایران اور امریکا کے درمیان پائے جانے والے تناؤ کو کم کرنے میں بھی پاکستان نے ذمہ دارانہ کردار ادا کیا ہے۔ انہوں نے کہا کہ یہ کامیابیاں پاکستان کی متوازن اور دور اندیش خارجہ پالیسی کا منہ بولتا ثبوت ہیں، جنہیں عالمی سطح پر سراہا جا رہا ہے۔
رابعہ بلوچ کے مطابق پاکستان نے ایک ذمہ دار ریاست کے طور پر عالمی طاقتوں، خصوصاً امریکا کو مذاکرات اور مفاہمت کی جانب راغب کر کے امن کے قیام میں مثبت کردار ادا کیا ہے۔ ان کا کہنا تھا کہ پاکستان کی یہ کاوشیں اس بات کی عکاس ہیں کہ ملک عالمی امن، استحکام اور باہمی تعاون کے فروغ کے لیے سنجیدہ اور فعال کردار ادا کر رہا ہے۔
انہوں نے مزید کہا کہ فیلڈ مارشل سید عاصم منیر کی قیادت عالمی امن کے قیام میں ایک اہم سنگ میل کی حیثیت رکھتی ہے، اور ان کی کاوشیں انہیں نوبل امن انعام کے لیے ایک مضبوط امیدوار بناتی ہیں۔