ملک میں پٹرولیم مصنوعات کا وافر ذخیرہ ، تشویش کی ضرورت نہیں ، مشیر خزانہ

اسلام آباد: مشیر وزیر خزانہ خرم شہزاد نے کہا ہے کہ ملک میں پیٹرولیم مصنوعات کے ذخائر وافر مقدار میں موجود ہیں اور سپلائی کے حوالے سے کسی قسم کی تشویش نہیں۔

نجی ٹی وی سے گفتگو کرتے ہوئے انہوں نے بتایا کہ پہلے پیٹرولیم مصنوعات کا ذخیرہ 24 دن کا تھا جو اب بڑھ کر تقریباً 4 ہفتوں تک پہنچ چکا ہے، جبکہ مارچ اور اپریل کے لیے بھی تیل کے ذخائر کافی ہیں اور صورتحال مزید بہتر ہو رہی ہے۔

خرم شہزاد کا کہنا تھا کہ حکومت کفایت شعاری پالیسی پر عمل کرتے ہوئے غیر ضروری اخراجات میں کمی کر رہی ہے اور اس مد میں سوا ارب روپے کی سپورٹ فراہم کی گئی ہے۔ انہوں نے عوام سے بھی اپیل کی کہ وہ قومی مفاد میں حکومت کا ساتھ دیں۔