نفرت کی دیواریں گرا کر پرامن معاشرہ قائم کیا جا سکتا ہے، وزیر اعلیٰ بلوچستان

وزیر اعلیٰ بلوچستان میر سرفراز بگٹی نے اسلاموفوبیا کے تدارک کے عالمی دن کے موقع پر کہا ہے کہ اسلام امن، آشتی اور انسانیت کی فلاح کا دین ہے اور دنیا کو اس کا حقیقی پیغام سمجھنے کی ضرورت ہے۔

وزیر اعلیٰ نے کہا کہ دنیا بھر میں بڑھتے ہوئے اسلاموفوبیا کے رجحانات عالمی امن و استحکام کے لیے تشویشناک ہیں اور مسلمانوں کے خلاف نفرت انگیز مہمات کے سدباب کے لیے عالمی برادری کو مشترکہ اور مؤثر اقدامات کرنا ہوں گے۔

Browse Posts

ایران، امریکا کے وفود کی آمد کا معاملہ، اسلام آباد میں سیکیورٹی سخت کر دی گئی

اگر 22 اپریل تک ایران نے معاہدے پر اتفاق نہ کیا تو حملہ کردیا جائے گا، ٹرمپ

امریکی کی جانب سے اعتماد کی بار بار خلاف ورزی، آبنائے ہرمز پر دوبارہ پابندی عائد

انہوں نے بتایا کہ اقوام متحدہ کی جانب سے اسلاموفوبیا کے تدارک کے عالمی دن کا اعلان امت مسلمہ کی اہم سفارتی کامیابی ہے اور اسلام کو انتہا پسندی سے جوڑنے کی کوششیں ایک منظم سازش ہیں جن کا بھرپور مقابلہ کیا جائے گا۔

وزیر اعلیٰ نے کہا کہ بلوچستان بین المذاہب ہم آہنگی، رواداری اور بھائی چارے کی روشن مثال ہے، اور تمام مذاہب کے ماننے والوں کے حقوق اور مذہبی شعائر کا احترام ضروری ہے۔

انہوں نے زور دیا کہ نفرت اور تعصب کی دیواریں گرا کر ہی ایک پرامن اور متوازن عالمی معاشرہ قائم کیا جا سکتا ہے، اور عالمی برادری کو اسلاموفوبیا کے خاتمے کے لیے مؤثر قانون سازی اور عملی اقدامات کرنے ہوں گے۔