انسپکٹر جنرل جیل خانہ جات خیبرپختونخوا ریحان گل خٹک کا ڈسٹرکٹ جیل سوات کا دورہ

سوات(نمائندہ خصوصی)گلوبل ٹائمز میڈیا یورپ کے مطابق انسپکٹر جنرل جیل خانہ جات خیبر پختونخوا جناب ریحان گل خٹک نے ڈسٹرکٹ جیل سوات کا تفصیلی دورہ کیا۔ جیل پہنچنے پر چاک و چوبند دستے نے معزز مہمان کو گارڈ آف آنر پیش کیا.سپرنٹنڈنٹ ڈسٹرکٹ جیل سوات جناب ایوب باچا، ایڈیشنل ڈپٹی کمشنر سوات جناب محب اللہ خان یوسفزئی اور ڈی آئی جی جیل خانہ جات ملاکنڈ ریجن جناب بیت اللہ مہمند نے ان کا استقبال کیا۔دورے کے دوران معزز آئی جی صاحب نے ڈسٹرکٹ جیل سوات میں مسنگ فیسلٹیز پراجیکٹ جبکہ ڈی آئی جی آفس اور رہائشی بلاک کے تعمیراتی منصوبوں کا باقاعدہ افتتاح کیا۔ تعمیراتی کاموں کی پیش رفت اور دیگر تفصیلات کے حوالے سے XEN (C&W) کی جانب سے معزز آئی جی صاحب کو جامع اور تفصیلی بریفنگ دی گئی۔انسپکٹر جنرل جیل خانہ جات نے جیل کے مختلف شعبہ جات کا بھی باریک بینی سے معائنہ کیا، جن میں جیل ہسپتال، ملاقات روم، جووینائل کریکشنل اسکول، ڈی ٹاکس سینٹر، پرزن انڈسٹری، خواتین ووکیشنل سینٹر، قیدیوں کے جنرل بیرکس، کُک ہاؤس اور پی سی او ڈیسک شامل ہیں۔ بعد ازاں معزز آئی جی صاحب نے قیدیوں کے دربار کھلی کچہری سے خطاب کیا اور قیدیوں کے مسائل و شکایات کو براہ راست سنا، جبکہ متعلقہ افسران کو فوری اقدامات کی ہدایات بھی جاری کیں۔دورے کے اختتام پر معزز انسپکٹر جنرل جیل خانہ جات نے بہترین کارکردگی کا مظاہرہ کرنے والے افسران و اہلکاروں میں تعریفی اسناد اور نقد انعامات تقسیم کیے اور انہیں آئندہ بھی اسی جذبے اور محنت سے فرائض سرانجام دینے کی تلقین کی۔