شکارپور کے بازاروں میں صفائی اور روشنی کے انتظامات بہتر بنائے جائیں گے، فیاض محمود شیخ

صحبت پور (بیوروچیف شاہد گولہ)
پاکستان پیپلزپارٹی کے رہنما اور چیٸرمین میونسپل کمیٹی شکارپور فیاض محمود شیخ کی ہدایت پر چیف میونسپل آفیسر عابد لطیف راجپوت نے بازاروں میں مزید لائٹنگ لگانے اور صفائی کے حوالے سے مزید حکمت عملی بنانے کا فیصلہ کیا ہے،
کراکری، گارمنٹس اینڈ جنرل سٹورز ایسوسی ایشن رجسٹرڈ کے وفد نے چیئرمین آغا ساجد خان پٹھان، جنرل سیکرٹری سراج منیر میمن اور ولی خان درانی کی قیادت میں چیف میونسپل آفیسر عابد لطیف راجپوت سے ملاقات کی۔
اجلاس میں چوڑیگر بازار، شاہجہاں اسٹریٹ، ریشم گلی سمیت شہر کے مختلف بازاروں میں صفائی و ستھرائی سمیت اسٹریٹ لائٹس کی کمی کے مسائل پیش کیے گئے۔
اس موقع پر پاکستان پیپلزپارٹی کے رہنما اور چیٸرمین میونسپل کمیٹی شکارپور فیاض محمود شیخ کی ہدایات پر سی ایم او عابد لطیف راجپوت نے فوری طور پر میونسپل سٹاف کو ضروری اقدامات کرنے کی ہدایات جاری کردی،
سی ایم او عابد لطیف راجپوت نے وفد کو یقین دلایا کہ مارکیٹوں میں 24 گھنٹے میں لائٹنگ لگائی جائے گی جبکہ صفائی کے لیے مزید عملہ تعینات کیا جائے گا اور بازاروں کو صاف رکھا جائے گا۔
تاجر برادری نے پاکستان پیپلزپارٹی کے رہنما اور چیئرمین میونسپل کمیٹی فیاض محمود شیخ اور سی ایم او عابد لطیف راجپوت کے مسائل کا نوٹس لینے اور ان کے حل کی یقین دہانی پر فوری کارروائی کو سراہا۔