صحافیوں اور وکلاء کے اعزاز میں سید جاوید حسن کرمانی کی جانب سے پرتکلف عشائیے کا اہتمام

ممتاز سماجی و روحانی شخصیت سید جاوید حسن کرمانی کی جانب سے صحافیوں اور وکلاء کے اعزاز میں پرتکلف عشائیہ، معززین کی شرکت
شیر گڑھ (نامہ نگار) ممتاز روحانی و سماجی شخصیت سید جاوید حسن کرمانی کی جانب سے صحافیوں اور وکلاء کے اعزاز میں ایک پرتکلف عشائیے کا اہتمام کیا گیا، جس میں جنرل سیکرٹری تحصیل بار رینالہ خورد راؤ عمران واجد ایڈووکیٹ، صدر مرکزی پریس کلب رجسٹرڈ شیر گڑھ عمران زاہد کھوکھر، جنرل سیکرٹری حاجی غلام یسین کھوکھر، ممتاز قانون دان ملک ظفر اعوان ایڈووکیٹ ہائی کورٹ، مینجر سید جاوید حسن کرمانی میاں عمران حسین ڈاکٹرعمرجاوید سمیت دیگر معززین نے شرکت کی۔ اس موقع پر سید جاوید حسن کرمانی نے صحافیوں اور وکلاء کی معاشرتی خدمات کو سراہتے ہوئے کہا کہ صحافت اور وکالت معاشرے کے اہم ستون ہیں۔ صحافی عوامی مسائل کو اجاگر کرنے جبکہ وکلاء قانون کی بالادستی اور انصاف کی فراہمی کے لیے اہم کردار ادا کرتے ہیں۔ انہوں نے کہا کہ معاشرے میں مثبت تبدیلی، عوامی شعور کی بیداری اور حقوق کے تحفظ کے لیے صحافیوں اور وکلاء کی خدمات قابلِ قدر ہیں۔ انہوں نے مزید کہا کہ صحافی اور وکلاء معاشرتی اصلاح، عوامی رہنمائی اور حق و سچ کی آواز بلند کرنے میں نمایاں کردار ادا کر رہے ہیں، ان کی حوصلہ افزائی اور قدر افزائی وقت کی اہم ضرورت ہے۔ اس موقع پر شرکاء نے باہمی دلچسپی کے امور پر تبادلہ خیال کیا اور علاقے کی تعمیر و ترقی، عوامی مسائل کے حل اور مثبت معاشرتی سرگرمیوں کے فروغ کے حوالے سے بھی گفتگو کی۔ تقریب خوشگوار اور دوستانہ ماحول میں منعقد ہوئی، جہاں شرکاء نے ایک دوسرے کے ساتھ خیالات کا تبادلہ کیا۔ آخر میں شرکاء نے سید جاوید حسن کرمانی کی جانب سے پرتکلف عشائیے اور عزت افزائی پر دلی شکریہ ادا کرتے ہوئے ان کے جذبۂ محبت و خلوص کو سراہا۔