ضرورت پڑی تو ایران کی جوہری تنصیبات پر 10 منٹ میں حملہ کر سکتے ہیں، ٹرمپ

امریکی صدر ڈونلڈ ٹرمپ نے ایران کو خبردار کرتے ہوئے کہا ہے کہ اگر ضرورت پیش آئی تو امریکی فوج ایران کی باقی ماندہ ایک یا دو جوہری تنصیبات کو صرف 10 منٹ میں نشانہ بنا سکتی ہے۔

ٹرمپ نے ایران کے ساتھ جاری مذاکرات کے حوالے سے کہا کہ بات چیت درست سمت میں آگے بڑھ رہی ہے اور ایران معاہدہ کرنے میں دلچسپی رکھتا ہے، تاہم امریکا اس معاملے میں جلد بازی نہیں کرنا چاہتا۔

انہوں نے ایران پر عدم اعتماد کا اظہار کرتے ہوئے کہا کہ تہران معاہدہ کرنے کے بعد اپنے وعدوں سے پیچھے ہٹ جاتا ہے، اس لیے یہ دیکھنا ہوگا کہ ایران واقعی کسی معاہدے پر پہنچنے کے لیے سنجیدہ ہے یا نہیں۔

ایران پر دوبارہ حملوں سے متعلق سوال پر ٹرمپ نے کہا کہ امریکا پہلے ہی ایران کی بحریہ، فضائیہ، فضائی دفاعی نظام اور متعدد جوہری تنصیبات کو نشانہ بنا چکا ہے۔ ان کے مطابق ایک یا دو جوہری تنصیبات اب بھی کارروائی کی زد میں آنے سے باقی ہیں۔