ذوالفقار احمد چیمہ کی تین تازہ تصانیف کی تقریبِ پذیرائی، ممتاز دانشوروں اور نامور شخصیات کی شرکت

لاھور نمائندہ ء خصوصی سے

قائد اعظم لائیبریری لاہور کے اقبال ہال میں ملک کے ممتاز دانشور۔مصنف۔کالم نگار اور سابق انسپکٹر جنرل پولیس ذوالفقار احمد چیمہ کی تازہ تصانیف
جہد مسلسل ، ۔افکار تازہ اور
سمجھتا ہوں جسے حق کی تقریب پذیرائی منعقد ہوئی۔جس کی صدارت معروف سکالر۔ مفکر اور دانشور پروفیسر احمد جاوید صاحب نے کی۔انکے علاوہ تقریب سے سابق چیف جسٹس جناب انوار الحق صاحب۔مجیب الرحمن شامی صاحب۔خواجہ سعد رفیق صاحب۔حامد خان ایڈووکیٹ صاحب۔جاوید نواز صاحب۔سابق وفاقی سیکرٹری طارق نجیب نجمی صاحب۔ڈائریکٹر جنرل نیپا فاروق مظہر صاحب۔ھمایوں احسان صاحب۔ایف سی کالج کے شعبہ اردو کی سربراہ ڈاکٹر شاہدہ دلاور شاہ صاحبہ۔ھوم اکنامکس یونیورسٹی کی ڈائریکٹر سٹوڈنٹس افئیرز ڈاکٹر مصباح جبیں نے خطاب کیا جبکہ نظامت کے فرائض ڈاکٹر شیریں اسد صاحبہ نے بطریق احسن نبھائے۔
تقریب تین گھنٹے جاری رہی اور ہال آخر تک بھرا رہا۔ لوگوں نے نے مقررین اور سامعین کےمعیار کو بے حد سراہا اور اسے ایک شاندار اور یادگار تقریب قرار دیا۔
پروفیسر احمد جاوید نے کہا کہ مائیں بچے جنتی ہیں اور خال خال مائیں شخصیات کو جنم دیتی ہیں ۔ ذوالفقار چیمہ کی والدہ محترمہ کا شمار ان ہی ماؤں میں ہوتا ہے جو شخصیت جنم دیتی ہیں ۔

سابق چیف جسٹس جناب انوار الحق نے کہا۔ ذوالفقار چیمہ کا رشتہ جتنا کتاب سے مضبوط ہے اس کا اندازہ آپ ان کی تصانیف سے لگا سکتے ہیں ۔

سابق وفاقی وزیر خواجہ سعد رفیق نے کہا کہ مجھے دانشوروں کے درمیان بلا کر ایک سیاسدان کو عزت عطا کی ہے ۔ انہوں نے کہا کہ ذوالفقار چیمہ کی فرض شناسی اور دیانت داری کی قسمیں کھاِئی جا سکتی ہیں انہوں نے جو لکھا وہ کر کے بھی دکھایا

مجیب الرحمن شامی نے کہا کہ ذوالفقار چیمہ کی تصانیف ہماری نئی نسل کے لیئے قیمتی تحفہ ہیں

حامد خان ایڈووکیٹ نے دلائل و براہین سے آراستہ گفتگو کی اور ذوالفقار چیمہ کی خدمات اور ان کی تصانیف کی خوب تعریف کی ۔ مقررین نے مصنف کی دیانت، قابلیت اور حق گوِئی کی دل کھول کر تعریف و تحسین کی ۔