کراچی میں آئندہ 3روز کے دوران موسم کیسا رہے گا؟

کراچی: محکمہ موسمیات نے شہر قائد میں آئندہ تین روز کے دوران موسم کے حوالے سے نئی پیشگوئی جاری کردی ہے۔

محکمہ موسمیات کے ارلی وارننگ سینٹر کے مطابق کراچی میں آئندہ تین روز موسم جزوی ابرآلود اور مرطوب رہنے کا امکان ہے، جبکہ زیادہ سے زیادہ درجہ حرارت 33 سے 35 ڈگری سینٹی گریڈ کے درمیان رہ سکتا ہے۔

محکمہ موسمیات کے مطابق کل شہر میں معمول سے تیز ہوائیں چلنے کی توقع ہے، جن کی رفتار 45 کلومیٹر فی گھنٹہ تک پہنچ سکتی ہے۔

محکمہ موسمیات نے اس سے قبل بھی کراچی میں آئندہ تین روز موسم گرم اور مرطوب رہنے کی پیشگوئی کی تھی۔