قاسم آباد ڈویژن کی ریکوری میں نمایاں بہتری، سرکل ون میں تیسری پوزیشن

حیدرآباد (رپورٹ: ارشد جبار قریشی) حیسکو چیف فیض اللہ ڈاہری اور ایس ای حیدرآباد سرکل عقیل نور میمن کی خصوصی ہدایات پر قاسم آباد ڈویژن نے ریکوری کے شعبے میں گزشتہ سال کے مقابلے میں بہتر کارکردگی کا مظاہرہ کیا ہے۔

اعداد و شمار کے مطابق ستمبر 2025 میں قاسم آباد ڈویژن کی ریکوری 53.8 فیصد تھی، جو ستمبر 2026 میں بڑھ کر 58.12 فیصد ہوگئی۔ اس طرح گزشتہ سال کے مقابلے میں ریکوری میں 4.3 فیصد بہتری ریکارڈ کی گئی۔

قاسم آباد ڈویژن نے سرکل ون میں ریکوری کے حوالے سے تیسری پوزیشن حاصل کی۔ ڈویژن کی اس کارکردگی کو ایکسیئن قاسم آباد ظفر سولنگی کی نگرانی میں ریکوری کے عمل میں بہتری کی جانب اہم پیش رفت قرار دیا جا رہا ہے۔

حیسکو حکام کے مطابق ریکوری میں بہتری سے نہ صرف ڈویژن کی مجموعی کارکردگی میں اضافہ ہوا ہے بلکہ بجلی کے واجبات کی وصولی کے لیے جاری کوششوں کے مثبت نتائج بھی سامنے آئے ہیں۔